Waħda mill-isfidi ewlenin li jiffaċċjaw ir-reġjuni u l-bliet tal-Ewropa hija t-tibdil fil-klima u l-impatti potenzjali fiżiċi, soċjali, ekonomiċi, ambjentali u kulturali tiegħu. Il-miżuri ta’ adattament għat-tibdil fil-klima għandhom jgħinu biex jimmoderaw l-effetti ta’ ħsara u/jew jisfruttaw l-opportunitajiet ta’ benefiċċju għall-bliet u r-reġjuni. F’dan il-kuntest, l-iżvilupp u l-manutenzjoni tal-infrastruttura ekoloġika għandhom rwol importanti, peress li l-infrastruttura ekoloġika tgħin pereżempju fit-tnaqqis tal-għargħar, fil-ħżin tal-karbonju jew fil-prevenzjoni tal-erożjoni tal-ħamrija.