L-objettiv tal-proġett huwa l-implimentazzjoni ta’ qafas istituzzjonali u leġiżlattiv speċifiku, flessibbli, trasparenti, oġġettiv u effettiv fil-qasam tas-solidarjetà soċjali u l-protezzjoni soċjali. L-għan tal-proġett huwa li jiġbor, jikkonsolida, jiċċara u jikklassifika sistematikament it-testi leġiżlattivi u r-regolamenti ta’ dan il-qasam ta’ politika u li jintegrahom f’qafas istituzzjonali uniku ġdid. Dan se joħloq il-bażi istituzzjonali għal sinerġija u trattament uniformi tal-ħtiġijiet tal-persuni ġuridiċi rregolati mil-liġi pubblika u privata fir-reġjuni kollha tal-pajjiż, armonizzazzjoni sħiħa mal-leġiżlazzjoni Komunitarja u l-użu ta’ l-aħjar data mil-liġijiet ta’ l-Istati Membri ta’ l-Unjoni Ewropea. Matul l-implimentazzjoni tal-proġett, se jiġi stabbilit ukoll il-qafas għall-ħolqien ta’ reġistru nazzjonali uniku li jibbenefika mill-forom kollha ta’ protezzjoni soċjali.
