Il-proġett SMITHS għandu l-għan li jinkoraġġixxi bidla modali mill-użu tal-karozzi privati għal mezzi ta’ trasport kollettiv, sostenibbli u b’emissjonijiet baxxi ta’ karbonju, itejjeb il-kwalità tal-arja u jnaqqas l-emissjonijiet tal-GHG.SMITHS għandu jiffaċilita l-intermodalità u jindirizza arja aktar nadifa permezz tal-introduzzjoni ta’ diversi għażliet intermodali b’mod partikolari billi jtejjeb in-netwerk tal-laneċ fil-port ta’ ġewwa, u jippromwovi l-mixi u ċ-ċikliżmu bħala mod nadif u sostenibbli għall-ivvjaġġar, permezz tal-introduzzjoni ta’ korsiji taċ-ċikliżmu segregati u mogħdijiet pedonali tul in-netwerk tat-toroq. Smiths ser jappoġġja wkoll sistema ta’ trasport b’livell baxx ta’ karbonju permezz tal-introduzzjoni ta’ ċentru multimodali ġdid f’Għawdex li għandu jinkludi park and ride li jaħdem b’mezzi ta’ trasport kollettivi nodfa u l-estensjoni tan-netwerk nazzjonali ta’ ċċarġjar ta’ vetturi elettriċi madwar Malta u Għawdex. It-trasport pubbliku bil-karozzi tal-linja u l-effiċjenza tat-traffiku għandhom ukoll jiġu indirizzati indirettament f’dan il-proġett. Is-sistemi ewlenin attwali tas-SIT għandhom jiġu integrati fi pjattaforma waħda biex jipprovdu data dwar it-traffiku u informazzjoni dwar l-ivvjaġġar f’ħin reali li jiġu trażmessi permezz ta’ għadd ta’ settijiet ta’ data f’ħin reali. Fl-aħħar nett, se titnieda Kampanja ta’ Informazzjoni biex tippromwovi bidla fl-imġiba fil-prattiki tat-trasport.