Tá sé mar aidhm ag Ciste Fiontraíochta II ionstraimí airgeadais a chruthú (an Ciste Iasachta, an Ciste Ráthaíochta, etc.) d’fhonn fiontair mheánmhéide, fiontair bheaga agus micrifhiontair atá inmharthana ó thaobh na heacnamaíochta de a neartú. Tá sé dírithe ar fhiontair de gach foirm dhlíthiúil, atá ag aon chéim oibríochta (gnólachtaí nuathionscanta atá ann cheana agus atá á mbunú). Baineann ionstraimí airgeadais an Chiste le hiasachtaí agus ráthaíochtaí a chur ar fáil ar théarmaí fabhracha do ghnóthais chun na costais a bhaineann le fiontair a chur ar bun agus/nó atá i mbéal forbartha a chumhdach, infheistíochtaí a dhéanamh, riachtanais leachtachta a chomhlíonadh, eisreachtú a threisiú agus táirgí agus seirbhísí iomaíocha nua a chruthú.